من طرف محمد ورشا .. رواية سعودية رائعة!!!
الرواية طويلة 11 جزء
عشان كذه بنزل جزء كل فترة
وإذا شفت تفاعل بخلصها بسرعة
محمد و رشا
بسم الله الرحمن الرحيم
على بركة لله نبدأ
* * *
الجزء الاول(القسم 1 )
* * *
البـــــــد ايـــــــه
* * *
دخل فارس على محمد الي الين الحين متضايق...
فارس: لين الحين متضايق؟!
محمد: ياخي معادني ياهل... كل شي بيتحكمون فيه!!!... سو كذا... اترك هذا... تعال هنا... روح هناك...
وش ذا؟!... الواحد إذا جى بعمري خلاص مسؤل عن روحه... وانا لو عمري ستين راح يتحكمون فيني....
فارس: افا يا محمد ... انت تقول هذا الكلام!!!! هذا وانت العود...
محمد: هذا الي قهرني... انا العود ومالي كلمه...
فارس: محمد.. الرجال مهما كبر مايطلع من شور ابوه وامه... مهما كبر... وانت في نظر ابوي صغير..
محمد مطير عيونه: 26 سنه...
26 سنه... وصغير؟؟؟؟
فارس: لو 60 سنه على قولتك... راح تضل صغير في نظره... وبعدين وش تبي تسافر؟! ليه؟؟؟
محمد: بروح اشجع في المانيا...
فارس: ههههههههه تشجع من؟؟؟
محمد: المنتخب بعد من؟؟
فارس: والله مادرو عنك... شجعت ما شجعت كله واحد..
محمد: لو كل واحد راح يقول كذا... انهزمنا
فارس يضحك: ومن قال اننا فزنا ؟؟....
محمد معصب: انهزمنا ؟؟؟!!!!...
فارس: وانت من جدك مصدق انا راح نفوز؟؟؟؟
محمد: المبارة جت؟!!!
فارس: قلت زعلان ومراح يشوفها... وبعدين ماتعرف كم الساعه؟!...
محمد: وانهزمنا؟!!!
فارس: انهزمنا.... وبعدين لاتعصب ولا شي هد اعصابك سوأ رحت ولا جلست هذا شي مكتوب... ولازم ترضى بقضاء الله وقدره....
محمد: والنعم بالله...
فارس: وبعدين يوم امي وابوي يرفضون انك تروح لالمانيا مو بس خايفين عليك لانهم ظامنين ان روحتك مال ابوها داعي.. وفعلا لوك رايح وش راح تستفيد...
محمد ابتسم: صح
فارس: قم راض ابوي.. تراه متضايق لانك ما داومت اليوم...
محمد: وينه الحين.؟!
فارس: تحت بالصاله.....وانت مسوي فيها إذا ماداومت بيسفرونك...
محمد: هههههههههه ادلع...
فارس: هههههههههه .. مافادك الدلع.. عصب زياده..
طلعو من غرفة محمد.. متجهين للدرج...
وهم ينزلون....
فارس: ولا بعد... يقول عنده موضوع...
محمد: وشو؟!..
فارس: مدري...
دخلو الصاله....
جى محمد وحب راس ابوه....
صالح: وش بتفيدني حبة هالراس؟!..
محمد: اسف.. اسف يايبه... غلطه ومراح تتكرر..
صالح: الحين إنا نتحكم فيك؟!.. إنا نبي مصلحتك يالثور..
محمد: غبي يايبه..
صالح: الحين ماتقول لي... وراك ماداومت؟؟؟
محمد: ________.
هيا: خلاص يابو محمد... الولد اعتذر وش تبي اكثر؟؟..
صالح: اسكتي بعد انتي.. محد خرب عيالي الا انتي ودلعك لهم... رجاجيل بشواربهم ولين الحين يدلعون!!!
محمد: يبه إذا ماتلعنا عليكم... من ندلع عليه؟!
مالكم الا انا وفارس واميره...
صالح: جاااب.... وش تدلعون؟!.. استحو على وجيهكم... فشلتني عند ابراهيم... كلهم يسألوني عنك؟؟ وانا ماادري وش اقول..
محمد: لهدرجه انا مهم!!!
هيا: خلاص يابو محمد ماصار الا الخير... انت مكبر السالفه...
صالح بهدوء: اي مكبر السالفه بعد انتي... بس خلاص مسموح هالمره.. بس تسويها مره ثانيه... والله والله... ماتلوم الا نفسك...
قام محمد وحب راس ابوه مره ثانيه..
محمد: خلاص يابوي... توبه..
صالح: اقول ياهيا... العشا جاهز...
هيا: بروح اقول لميري تحطه...
قامت هيا...
فارس: اقول يابوي... وش هالموضوع الي تبينا فيه؟؟..
صالح: بعدين بقولك...الا وين اميره؟؟...
فارس: عند خالتي منيره... تقول غاليه تعبانه...
دق قلب محمد بسرعه جنونيه..
محمد: تعبانه؟!!!!!.....
فارس: ايه تعبانه... مدري.. اظاهر انفلونزه
محمد قلبه لين الحين يدق بسرعه... ويقول في نفسه..
" ليه يا قلبي تدق بسرعه؟!... ومن هذي غاليه حتى يدق قلبي بسرعه علشانها...... كل هذا علشانها تحبني بس!!!!... ولا.. ولا..
لا لا لا يمكن احبها عقب الي صار... انا مهما كان محمد.. ماأنزل لمستوى غاليه.."
صالح: محمد انا اكلمك..
محمد: اسف ماسمعتك..وش كنت تقول؟؟!
صالح: اليوم ماتغديت معنا.. وش اكلت؟!..
محمد: ماكلت شي...
دخلت هيا.. تعلمهم ان العشاء جهز..
التمو كلهم على طاوله الطعام...
وياكلون وينطرون صالح يتكلم..
هيا: صالح... قول وش الموضوع الي بتكلمنا فيه ؟؟
صالح: رشا...بنت اخوي الله يرحمه... بتجينا بكره...
هيا: حياها الله.. البيت بيتها..
فارس: امي صادقه يايبه... البيت بيتها.. رشا بنت عمي.. وان ماشالها المكان تشيلها عيوننا..
صالح: كفو ياولدي.. هذا الكلام الي يبرد القلب.. بس ماسمعنا كلام محمد..
محمد بدون نفس: حياها الله..
صالح: بس هالمره بتسكن هنا..
غص محمد .. وجلس يكح .. الين شرب مويه...
صالح: وش فيك؟!
محمد: بتسكن؟!!!!
صالح: ايه بتسكن... وش فيها؟! بيت عمها الوحيد.. مالها من وفاة اهلها غيري..
محمد: وينها عنا كل هالمده؟!..
صالح: كانت عند جدها ابو امها...
محمد: توها تتذكر ان عندها عم؟؟...
صالح: انا طلبتها اول ماتوفي اخوي ومرته.. بس اهلها رفضو لانها صغيره.. بس الحين لما كبرت لازم تجي عندي... انا مكانت ابوها..
محمد: وخوالها ليه مارفضوا...
ولا يوم خذو ورثها من عمي قالو خلاص مانبيها...
صالح: هم ماخذوه.. شرولها اراضي وهالاراضي بسمها..
محمد: وليه الحين مايبونها..
صالح وصلت معه: يوووووه.. رشا بتجي..رضيت مارضيت.. بتجي..
محمد: وانا وفارس وين نروح؟؟
هيا: وليه؟؟ إنا بنذبكم بالشارع!!
محمد: اقصد رشا.. إذا كانت فيه.. معناها إنا برا...
فارس: وليه رشا ماتتغطى؟!
محمد: علشان كذا.. إنا برا..
صالح: اظن فيه اختراع اسمه جلال...
هيا: والي يسمعك بيقول مسكين مايطلع من هالبيت....
قبلك في الكورنيش او بالاستراحات..
صالح: انا ماادري انت مغرور على مين؟!..
محمد: هذا مو غرور.. هذا الحق..
قام صالح: حق!!!! حق في عينك..
راح صالح لداره...
هيا: انت متى بتعقل؟!
محمد: اعقل!!! ليه شايفتني اناقز...
هيا: متى بتعقل من هالغرور؟!..
محمد: انتم الي يقول الحق في هالبيت يكون مغرور... وانا صادق... وينها عنا كل هالمده .. حتى التلفون ماتعرفه...
فارس: حلوه ذي.. تبيها تكلمك انت.. هي تدق بس مو عليك.. تدق على ابوي واميره...
محمد: تدق على ابوي علشان تعرف فلوسها الي في الشركه فيه ولا اخذناها... على بالها خالها... واكيد تدق علينا من كثر مايلحون عليها خوالها... وخصوصا هذا الي اسمه سامي...
فارس: انا ابي اعرف ليه تكرها هي وخوالها...
محمد: انا ما اكرهها.. اكره خالها..
هيا: اقول عن الهذره الزايده وقوم جيب اختك...
قام محمد وطلع ركب سيارته وتوجه لبيت خالته منيره...
وقف عند الباب ودق على اميره...
محمد: الوو....
اميره: هلا محمد...
محمد: اطلعي عند الباب... وبسرعه لاتتأخرين...
اميره: انشالله...
سكر السماعه...
وشغل المسجل وكانت اغنيه
حسين الجسمي - دعوة المظلوم
وكانت تقول..
لا تغرك الدنيا... تصبح عديم احساس...
لا تحس في يوم انك .. اصبحت فوق الناس...
على طول طفى المسجل...
محمد في نفسه" ليه طفيت المسجل .. ليه حسيت ان حسين الجسمي يهدي هلاغنيه لي...
انا ماقلت الا الحق... هذا مو غرور.. هذي الصراحه.. صدق رشا وينها عنا كل هذيك المده...تاركه العز والدلال والفلوس وراحت عند خوالها الفقراء... اكيد هاذي من خطط سامي.. يبي يستحوي على كل شي عن طريق رشا.. لما خلصت الفلوس الي معها قال روحي لبيت عمك علشان يتذكرون نصيبك في الشركه .. هه على باله ناسين.. وش قالو له؟.. طايحين من السماء... مشافيح ... لا... انا محمد ولد صالح ... مو سامي الي ياخذ فلوس هاليتيمه..."
قطع تفكيره صوت الجوال...
محمد معصب: وينك؟!.. لايكون على بالك سواقك...
اميره: انا الي ويني؟! والا انت؟؟ شف كم مكالمه كلمتك..
محمد: طيب اطلعي..
اميره : خالتي منيره تبي تسلم عليك.. وش عليك.. انت الوحيد في هالعائله يطلبونك طلبيه...
محمد: طيب.. افتحو الباب...
كان وده يسأل إذا كانت غاليه في الصاله.. علشان مايدخل .. بس فكر وقال في نفسه " اكيد خالتي بتعلم امي الي بتصرخ علي.. وش هالغرور.. يمكن هم نسو غاليه وش سوت فيني.. بس انا مانسيت.. حطت راسي في الارض.. رغم انه مالي ذنب... وكانوا اهلي واثقين فيني..بس عقب ايش.. عقب الصراخ الي جاني من خالتي وامي وزوج خالتي وابوي... ونظرات الاستحقار الي جتني بسببها.. صحيح انها اعتذرت وكلهم اعتذرو.. بس مو معناها اني نسيت.. وخالتي تميزني عن الباقي.. بس علشان تنسيني الي من بنتها.."
التفت وشاف الباب مفتوح..
دخل شاف الباب اميره ورى الباب...
اميره: وش فيك؟! سنه وانا عند الباب ...
محمد: وين خالتي؟!
اميره: جوا...
دخل محمد..
مثل ماتوقع..كانت غاليه جالسه بجلالها...
ناظرها محمد بطرف عينه.. وهو يسلم على خالته..
منيره: وشلونك يامحمد؟!
محمد: بخير الله يسلمك..
غاليه بأرتباك: كيف حالك يامحمد؟!.
محمد: ماسمعتي إجابتي لأمك..
اميره: يمكن ماسمعت .. لاتصير كذا يامحمد..
منيره: وش تشرب يامحمد؟!
محمد: مراح اشرب...يالله يااميره البسي عباتك
منيره: لا يامحمد ماتروح الا لين تشرب.. انا قايمه اجيب لك عصير..
طلعت خالته منيره..
رن جوال محمد...
محمد: الو..
فارس: هلا محمد...وينك؟!..
محمد: في بيت خالتي منيره.... رحت اجيب اميره.
فارس يستهبل: اكيد خالتي حلفت عليك تنام...
محمد: ودها...بس هي تعرفني ماانزل كرامتي..
قالها وهو يناظر غاليه..
فارس: تنزل كرامتك؟؟!!!
محمد: ايه...
فارس: وش عليك انت مميز عند خالتي
محمد: تبي تصحح الي صار...تبي تنسيني.. بس هاذي من سابع المستحيلات..
فارس: محمد انسى .. هالسالفه لها سنه .. وانت كذا..
محمد: سنه كلها ظلم .. كلها نظرات استحقار .. كلها صراخ وهواش .. وفي ساعه اعتذرو .. وخلاص؟!؟!؟!..
غاليه حست وكأن الكلام موجه لها...
فارس: محمد.. هالموضوع ماينتكلم في بيتهم...
محمد: ليه؟... مو المشكله صارت في بيتنا وبغرفتي بعد؟؟؟....
فارس: احسن حل اقول.. باي
محمد: احسن.. باي
سكر الجوال....
وغاليه جلست تصيح بصوت مسموع...
وتوقعت انه بيسألها... بيكلمها..
بس كان الجدار بيتكلم فهو بيتكلم......
اميره: غاليه.... وش فيك؟!
غاليه: محمد.. انت مانسيت؟!..
محمد: ليه انسى؟!...
غاليه: محمد.. والله اسفه.. اسفه..
محمد: اسفه!!!!!!!! وش راح تنفعني ؟!... سنه من الظلم سنه نظرات الاستحقار موجه لي .. سنه من الهواش والصراخ وكلها ظلم..... وانسى؟!!..
غاليه: إذا كنت انت سنه... انا راح ترافقني طول عمري...
محمد: سنه ظلم.. اعظم من طول العمر بس بسبب..
قام محمد وطلع...
اميره: معليش يا غاليه معليش... بس هذا محمد ما يتغير.......
غاليه: وش يبيني اسوي علشان يرضى ؟!...
اميره : محمد مو اي شي يرضيه.... عنيد..
قامت اميره ولبست عباتها...
اميره: يالله غاليه باي..
غاليه ماردت عليها..
اميره توها بتفتح الباب..
منيره وبيدها كاس عصير..
منيره: اميره.. وين محمد؟!..
اميره: طلع.. بلحقه ولا بيهاوشني..
منيره: والعصير؟!
اميره: مره ثانيه خالتي... يالله باي...
منيره: مع السلامه...
طلعت اميره وركبت السياره..
محمد: لا ياقلبي.. بدري.. اجلسي شوي مع غاليه علشان تحشون براحتكم...
اميره: محمد.. عن الطنازه..
محمد: وانتي تعودي من اليوم ورايح إذا كنت انا الي جاي... اقول اطلعي تطلعين..
اميره: خالتي الي قالت خليه ينزل...
محمد: وانتي عارفه اني مااواطن هالبيت..
محمد: وش تبيني اسوي.. اقول والله اسمحيلي ياخالتي اخوي مايواطن هالبيت؟..
محمد سكت.. وجلس يناظر طريقه..
اميره ودها تسأله ليه ماينسى ...
بس هي عارفه انه بيهاوشها وبيصارخ عليها...
محمد: بسألك رشا تدق عليك؟!..
اميره بأستغراب: ايه... ليه؟!..
محمد: تحبينها؟!..
اميره بنفس حالتها: احبها!!! الا اموت فيها.. ليه بتخطبها؟!!
محمد: ههههه اخطبها!!!
اميره: طيب ليه تسأل عنها؟!
محمد: لانها بكره بتشرف...
اميره: والله؟!!! ياسلام ياني مشتاقه لها...
محمد: بسم الله عليك... شوي شوي لايوقف قلبك...
اميره: من الفرحه...
محمد: يافرحه مابتم...
اميره: ليه مابتم؟!
محمد: لانها بتسكن هنا..
اميره: والــلـــه ... ونـــاســـــــه.. واخيـــــرا اقتنعت...
محمد: اكيد بتقتنع... فلوسها اكلها سامي...
اميره حست قلبها يعورها لما تكلم عن سامي..
بس ماحبت تدافع عنه علشان مايجيها طراق مثل ذاك اليوم...
اميره: متى بتجي؟!..
محمد: بكره.. بنصبح على وجهها... ياسلام.. احلا تصبيح..
اميره: محمد.. وش فيك عليها بعد... غاليه.. ماعليه غلطت في حقك.... بس رشا.. وش سوت ؟!..
محمد: وينها عنا كل هالمده.. ولا توها تعرف ان عندها عم .. لا لا لا مسكينه هي مظلومه خالها سامي اخذ كل فلوسها...
اميره: محد اخذ فلوسها.. يكون في علمك هي اتجر منك ومني ومن ابوك.. ويرجع الفضل بعد الله لسامي...
وقف السياره عند الباب...
ونزلت وبسرعه اتجهت لغرفتها...
نزل من السياره.. وطلع لغرفته.. لما فتح الباب لقى فارس جالس في غرفته<< الي هو محمد..وجالس على سرير محمد ينطره..
محمد: بسم الله...وش جلسك هنا.. لايكون بتسوي فلم مثل الفلم الي سوته غاليه..ههههه..
فارس: انا جالس هنا علشان اكلمك في موضوع غاليه...
قاطعه محمد: تكفى.. انهي الموضوع... مليت وانا اتكلم.. مليت وانا انكر.. مليت وانا انادي.. وماسمعتوني.. الحين تبوني اسمعكم عقب ايش؟!.. لما هي اعترفت انها هي الغلطانه.. توكم تصدقون اني بريئ..
اصرخ .. انادي.. انا تربيتكم.. انا ولدكم.. مستحيل اسوي كذا... ماسويت مع الغريبه اسوي مع بنت خالتي.. وماسمعتوني.. الحين تبوني اسمعكم..
فارس: والله يامحمد والله.. اني مصدقك بس......
قاطعه محمد: بس ايش يافارس... خايف؟!..
فارس: ماخفت.. بس ماعندي دليل... كل الادله ضدك..
محمد: لا فيه دليل.. بس انتم انعميتو...
فارس: دليل؟! عندك دليل وساكت!!..
محمد: ماسكت.. بس انتم ماسمعتوني..
فارس: وشو يامحمد؟
محمد: ديني.. اخلاقي.. كرامتي.. خوفي من الله..
فارس: ______.
محمد: اصلا بالعقل... انا لو بغتصب غاليه مراح اغتصبها بغرفتي..انا لو بغتصب مااغتصبت غاليه .. بنت خالتي.. بس انتم مافكرتو..
فارس: انا فكرت بس قلت وش مصلحتها.. تدخل غرفتك وتشقق ثيابها وتنتظرك لين تدخل علشان تصرخ وتلم الدنيا عليك... وش مصلحتها؟!
محمد: هه.. مصلحتها.. انها بتظرب عصفورين بحجر.. لأني قلت لها انا اعطيك وجه لاني اشفق عليك .. عصبت وحبت تنتقم.. ولانها تحبني توقعت انهم بيزوجونيها.. ماتوقعت اني عقب هذا مراح افكر فيها...
فارس: ليه تشفق عليها؟!
محمد: لانها تحبني وانا اكرهها..
فارس: انت فكر.. كل الي صار بسب غرورك..
محمد: يوووووه.. اقلقتوني.. انا قلت الصراحه...
تنهد فارس: طيب انسى..
محمد: مراح انسى..هذا جرح كــــبـــــيــــــر..
فارس: بس شف الكل طاير بك ..
محمد: يبون يصححون غلطتهم..
فارس : طيب بكره.. بتجي رشا.. طلبتك.. لاتكلمها عن سامي.. تكفى..
محمد: بحاول..
فارس: وليه بتحاول...قل تم..
محمد: مااقدر... فشلني..
فارس: انت الي فشلته...
محمد: انا؟!! انا الي فشلته؟!!وماتعتبر خطبته لأميره فشيله؟!!!...
فارس: طيب انت رديته.. ماله داعي تفشله قدام أخوياك..وتقول..<< ويتهزا به
سامي ولد الفقارا الهيلق تقدم لاختي...
محمد: بس هو قال..<< ويتهزا بسامي
الغني غني النفس مو غني الفلوس..
طاح وجهي ولاعاد ماشيتهم.. مسوي علينا والله هو لاغني نفس ولا غني فلوس..
فارس في نفسه" وسامي صادق"
فارس: حتى هو واهله نقلو من هنا للرياض..
محمد: يبون يسبقونا على رشا يوم يموت عمي..
فارس: يسبقونا؟!!!..
محمد: هم يظنون انا بنسابقهم...
دخلت عليهم اميره..
ناظرها محمد بطرف عينه.. لانه مايحب احد يفزع لسامي...
فارس: اهلين اميره..
اميره: اهلين فارس..
محمد: نعم .. وش تبين؟!
اميره: مليت وانا بروحي..
فارس مبتسم: خلاص من اليوم ورايح..مراح تجينا.. وحبيبة قلبك بتجي بكره..
اميره: اكيد.. والله مشتاقه لها..
فارس: طيب روحي نامي.. علشان تقومين بدري..
اميره: ماقدرت من الفرحه.. متحمسه..
محمد: لا يوقف قلبك...
اميره: لاتلوموني... احبها.. كلها اخلاق وذوق في تعاملها...تجنن ياناس...
فارس: هانت بكره بتجي..
اميره: الوقت يمر ببطئ.. مااقدر اصبر..
محمد: الحين صبرتي كل هالسنين.. ماتقدرين تصبرين 12 ساعه..
اميره: تدرون انا ماألومكم.. لأنكم ماشفتوها ولا تكلمونها.. عندكم ببرود.. بس انا بنت طول عمري طفشانه.. وراح تجيني وحده مثل رشا.. اكيد بتحمس..
محمد: من بتقابلين انتي ولي العهد؟!..
اميره: لا...... بقابل رشا...
محمد: ومن رشا هاذي؟!!!
اميره معصبه: بنت عمك..
محمد: اها.. قصدك بنت اخت سامي..
اميره: بنت اخت سامي.. هي بنت عم محمد...
محمد: فرق بين خوالها وعمانها..
اميره: على الاقل خوالها وقفو معها لما كانت محتاجه لهم.. مو انت الي ماسمعوك لما كنت محتاج لواحد بس يصدقك.. وش نفعتك فلوسك وشركاتك؟!...
محمد: وش تقصدين؟!
اميره: اقصد قصتك انت وغاليه....
انت انسان مغرور وشايف روحك.. وفلوسك في يوم بتطير وبتضيع.. ولانك كذا.. الكل بيتبرى منك...
وطلعت...
التفت محمد على فارس...
الكلام اثر في محمد بس سوا نفسه عادي..
محمد: ههههه
فارس: ليه تضحك؟!..
محمد: كذا مشتهي...
قام فارس...
فارس: تصبح على خير..
مارد محمد لانه راح لعالمه الخاص..
فارس بصوت عالي: تصبح على خير...
محمد: وانت من اهله..
ورجع لعالمه الخاص مره ثانيه
************************************************** **************
يلا اللي خلص الجزء الأول يكتب رد عالأقل خلصت
أنتظركم
